Осы жылдың 11-12 қазанында Ташкент қаласында өңір елдерінің мемлекеттік органдары, муниципалдық қауымдастықтар, халықаралық ұйымдар, талдау орталықтары мен сараптамалық қоғамдастық өкілдерінің қатысуымен «Орталық Азиядағы жергілікті өзін-өзі басқару» форумы өтті.
Іс-шараны
EGED (Ұлыбритания үкіметі, FCDO) бағдарламасының
және «Қырғыз Республикасында жергілікті
өзін-өзі басқаруды дамыту үшін» (SDC)
Серіктестік бағдарламасының қолдауымен
Өзбекстанның Махаллалар қауымдастығы
мен Даму саясаты институты (Қырғызстан)
ұйымдастырды.
Өзбекстан
Республикасы мен Қырғыз Республикасы
Орталық Азия елдеріндегі жергілікті
өзін-өзі басқару және жергілікті даму
мәселелерін талқылау үшін өңірлік
алаңды қалыптастыруға бастамашы болып,
осы салада орнықты және өнімді
мемлекетаралық ынтымақтастықты
қалыптастыруға алғашқы қадамды белгіледі.
Форум
барысында Өзбекстанның Махалла
қауымдастығы төрағасының бірінші
орынбасары Жовдатхон Инагамов
Өзбекстандағы махалла институтының
«махаллабайдың» тоқсандық тәсілінен
кедейлікпен күресу, әлеуметтік қызметтерді
цифрландыру және жергілікті қоғамдастықтарды
дамыту мәселелерін қоса алғанда,
қоғамдастық деңгейіндегі кешенді
басқаруға трансформациялануына шолу
жасады.
Өзбекстан,
Қырғызстан, Тәжікстан сарапшылары,
сондай-ақ Ұлыбритания, Швеция, Италия,
Швейцария, Жапония және басқа елдердің
мамандары келесі мәселелерді талқылады:
жергілікті
өзін-өзі басқарудың қазіргі даму
үрдістері;
әкімшілік-аумақтық
реформалар, өңірлік оңтайландыру және
қаржылық орталықсыздандыру;
өңірлерді
дамытуда және Орталық Азия интеграциясын
нығайтуда муниципалдық бірлестіктер
мен цифрлық платформалардың рөлі;
инвестициялық
климат мәселелері, соның ішінде
инвестицияларды тарту және жергілікті
өзін-өзі басқару құралдары арқылы
кедейлікті азайту.
Сонымен
қатар, форум аясында Экономикалық
зерттеулер институтының Сараптама
орталығы директорының орынбасары Айдана
Байканова «Өңірлерді
дамыту және тиімді жергілікті өзін-өзі
басқаруды қалыптастыру»
атты таныстырылыммен сөз сөйледі.
Форум
қорытындысы бойынша жергілікті өзін-өзі
басқаруды және жергілікті қоғамдастықтарды
дамытуды, қолайлы инвестициялық ахуалды
қалыптастыруды, қоршаған ортаны қорғауды,
мәдени алмасуды, әйелдер мен жастардың
қатысуын кеңейтуді, сондай-ақ өңірішілік
және шекара маңы әріптестігін дамытуды
қоса алғанда, субұлттық дамудың жалпы
міндеттерін шешу тәсілдерін талқылау
және үйлестіру үшін әлеуетті орнықты
өңірлік платформа ретінде Орталық
Азияның жергілікті өзін-өзі басқару
және жергілікті даму кеңесін
құру жөніндегі бастама ұсынылды және
талқыланды.
Форумға
қатысу тұрақты өңірлік дамудың негізгі
құралы ретінде жергілікті өзін-өзі
басқару жүйесін одан әрі дамытудың
өзектілігін растады және Орталық Азия
елдері арасында тәжірибе алмасудың
маңыздылығын атап өтті.
