Түркістан облысының 2022-2024 жылғы бюджет шығындары

Түркістан облысының бюджет шығындарының құрылымында білім беру саласына басымдық берілген. Білім беру шығындары - 2022-2024 жылғы барлық шығындардың орта есеппен 50,1%. Талданып отырған кезеңде олар 514,1 млрд теңгеден 771,0 млрд теңгеге дейін 1,5 есе өсті.

Шығындардың едәуір үлесі тұрғын үй-коммуналдық шаруашылыққа да тиесілі – орта есеппен 12,6%. Мұнда да оң даму қарқыны байқалады: 2022-2024 жылдары шығыстар 139,4 млрд теңгеден 193,7 млрд теңгеге дейін 39,0%-ке ұлғайды. Бұл қалалық инфрақұрылымның сапасын және халықтың өмір сүру жағдайын жақсарту бойынша жұмыстың рет-ретімен жүргізіліп жатқанын байқатады.

Қарастырылып отырған кезеңдегі шығындар қарқынын талдау келесі салаларда айтарлықтай өсуді көрсетеді:

• өнеркәсіп, сәулет, қала құрылысы және құрылыс қызметі – 3,3 есе: 2022 жылғы 3,8 млрд теңгеден (барлық шығындардың 0,4%) 2024 жылы 12,4 млрд теңгеге дейін (барлық шығындардың 0,8%);

• қорғаныс – 2,6 есе: 2022 жылғы 1,8 млрд теңгеден (барлық шығындардың 0,2%) 2024 жылы 4,7 млрд теңгеге дейін (барлық шығындардың 0,3%).

Осылайша, кейінгі жылдары бюджет шығындарының қарқыны білім беру және тұрғын үй-коммуналдық шаруашылық сияқты дәстүрлі басым салалардың нығаюын ғана емес, сонымен қатар өнеркәсіптік дамуға, қала құрылысы жобаларына, сондай-ақ қоғамдық тәртіп пен қауіпсіздікті қамтамасыз етуге назардың артып келе жатқанын көрсетеді.