2022-2025 жылдары Ақмола облысы бюджетінің әлеуметтік салаға шығындар 220,7 млрд теңгеден 346,8 млрд теңгеге дейін 1,6 есе ұлғайды.
Облыс
бюджетінің әлеуметтік шығыстарының
басым бөлігі білім беру саласына тиесілі.
Орта есеппен 2022-2025 жылдары білімге
шығындар әлеуметтік саланың жиынтық
шығындарының 79,3%-не жетті. Саланың
қаржыландырылуы 178,7 млрд теңгеден
(әлеуметтік шығыстардың 81,0%) 268,6 млрд
теңгеге (әлеуметтік шығыстардың 77,4%)
дейін 1,5 есе ұлғайды.
Қарастырылып
отырған кезеңде білім беру инфрақұрылымының
дамуы жүзеге асырылды. 23 жаңа мектеп
және қолданыстағы білім беру объектілеріне
2 қосымша үй-жай пайдалануға берілді,
сондай-ақ «Жайлы мектеп» ұлттық жобасы
шеңберінде жобалар іске асырылды. Бала
бақшалар құрылысы жалғасып, есепті
кезеңде 3 нысан пайдалануға берілді.
Мектепке дейінгі білім беруге
қолжетімділіктің өсуі байқалады: 2
жастан 6 жасқа дейінгі балаларды қамту
2023 жылғы 92,3%-тен 2025 жылы 97,2%-ке дейін
өсті.
Әлеуметтік
салаға жұмсалатын барлық шығындардың
орта есеппен 9,6%-не тең мәдениет, спорт,
туризм және ақпараттық кеңістікке
жұмсалатын шығындар 20,7 млрд теңгеден
(әлеуметтік шығыстардың 9,4%-і) 37,5 млрд
теңгеге (әлеуметтік шығыстардың 10,8%-і)
дейін 80,9%-ке өсті. Әлеуметтік инфрақұрылымды
дамыту шеңберінде 4 мәдениет объектісін
салу, 16 мәдениет объектісін және 10 спорт
ғимаратын жөндеу жұмыстары жүргізілді.
Іске асырылып жатқан іс-шаралар халықтың
мәдени дамуы үшін мүмкіндіктерді
кеңейтуге, азаматтардың дене шынықтырумен
және бұқаралық спортпен айналысуға
тартылуын арттыруға бағытталған.
Әлеуметтік
көмек пен әлеуметтік қамсыздандыруға
барлық әлеуметтік шығыстардың орта
есеппен 6,9% мөлшерінде шығындар жұмсалды.
Олар 16,1 млрд теңгеден (әлеуметтік
шығыстардың 7,3%) 26,0 млрд теңгеге (әлеуметтік
шығыстардың 7,5%) дейін 61,7%-ке ұлғайды.
2022-2025
жылдары денсаулық сақтау шығындары
әлеуметтік шығындардың орта есеппен
4,1%-тік ең аз үлесіне ие болды. Бұл ретте
олардың көлемі 5,2 млрд теңгеден (әлеуметтік
шығыстардың 2,4%) 14,7 млрд теңгеге (әлеуметтік
шығыстардың 4,2%) дейін 2,8 есе ұлғайды.
Осы кезеңде 44 денсаулық сақтау объектісі
пайдалануға берілді: 15 дәрігерлік
амбулатория, 23 фельдшерлік-акушерлік
пункт, 3 медициналық пункт, 1 емхана, 1
алғашқы медициналық-санитарлық көмек
орталығы және емханамен біріктірілген
1 аурухана. Жобалардың едәуір бөлігі
«Ауылдық денсаулық сақтауды жаңғырту»
ұлттық жобасы шеңберінде іске асырылды,
бұл ауылдық елді мекендердегі медициналық
объектілер желісін кеңейтуге мүмкіндік
берді.
Жалпы,
қарастырылып отырған кезеңде Ақмола
облысының әлеуметтік саласы тұрақты
өсу мен дамуды көрсетті. Іске асырылып
жатқан шаралар білім беру, медициналық,
мәдени және спорт инфрақұрылымын
нығайтуға, сондай-ақ халық үшін әлеуметтік
қызметтердің қолжетімділігі мен сапасын
арттыруға ықпал етті.
