2022-2025 жылдары Ақтөбе облысы бюджетінің әлеуметтік салаға шығындары жалпы бюджеттік шығындардың орта есеппен 55,4%-не тең. Қарастырылып отырған кезеңде олардың көлемі 2022 жылғы 240,0 млрд теңгеден (жиынтық шығындардың 55,8%) 2025 жылы 414,0 млрд теңгеге (жиынтық шығындардың 57,0%) дейін 1,7 есе ұлғайды.
Аталған
кезеңдегі әлеуметтік шығындардың
негізгі бағыты білім беру саласы, оған
әлеуметтік сала қаражатының 76,1%-і
тиесілі. Бұл саланы қаржыландыру 2022
жылғы 182,5 млрд теңгеден (әлеуметтік
шығындардың 76,1%) 2025 жылы 307,2 млрд теңгеге
(әлеуметтік шығындардың 74,2%) дейін 1,7
есе өсті. Қарастырылып отырған кезеңде
өңірде білім беру инфрақұрылымының
дамуы және білім беру ұйымдарының
материалдық-техникалық базасының нығаюы
байқалды. 2 жастан 6 жасқа дейінгі
балаларды мектепке дейінгі тәрбиемен
және оқытумен қамту деңгейі 95,2%-ке жетті,
бұл мектепке дейінгі білім берудің
жоғары қолжетімділігін көрсетеді.
Сондай-ақ, орта білім беру ұйымдарының
желісіне жаңғырту жүргізілді: 2025 жылдың
қорытындысы бойынша 20 мектеп пайдалануға
берілді, облыстың 13 мектебіне күрделі
жөндеу жүргізілді.
Мәдениет,
спорт, туризм және ақпараттық кеңістікке
шығындар әлеуметтік шығындардың орта
есеппен 11,0%-не тең. 2022-2025 жылдары бұл
бағытты қаржыландыру 25,9 млрд теңгеден
(әлеуметтік шығындардың 10,8%) 53,0 млрд
теңгеге дейін (әлеуметтік шығындардың
12,8%) 2 есе ұлғайды. 4 мәдениет нысанын
салу және 16 мәдениет нысанын жөндеу, 10
спорт инфрақұрылымын дамыту, сондай-ақ
3 спорттық білім беру мекемесін жаңғырту
жұмыстары жүргізілді. Өңірде халықтың
дене шынықтыру сабақтарына қатысуын
арттыруға және салауатты өмір салтын
қалыптастыруға бағытталған
спорттық-бұқаралық іс-шаралар үнемі
өткізіледі.
Әлеуметтік
көмек пен әлеуметтік қамсыздандыруға
әлеуметтік сала бюджетінің орта есеппен
9,0%-і тиесілі. Талданып отырған кезеңде
олардың көлемі 23,0 млрд теңгеден
(әлеуметтік шығындардың 9,6%) 35,1 млрд
теңгеге дейін (әлеуметтік шығындардың
8,5%) 1,5 есе өсті.
Денсаулық
сақтау әлеуметтік шығындар құрылымында
ең аз 3,9% үлеске ие. 2022-2025 жылдар аралығында
осы саланы қаржыландыру көлемі 8,6 млрд
теңгеден (әлеуметтік шығындардың 3,6%)
18,7 млрд теңгеге дейін (әлеуметтік
шығындардың 4,5%) 2,2 есе ұлғайды. Бюджет
қаражатының өсуі инфрақұрылымды дамыту
және денсаулық сақтау жүйесінің
материалдық-техникалық базасын жаңарту
жөніндегі шараларды іске асырумен қатар
жүрді: 14 денсаулық сақтау объектісі
пайдалануға берілді, 10 денсаулық сақтау
объектісіне күрделі жөндеу жүргізілді,
медициналық ұйымдар үшін 312 жабдық
сатып алынды.
Жалпы,
2022-2025 жылдары Ақтөбе облысында бюджеттік
шығыстар құрылымында басым рөлі сақтала
отырып, әлеуметтік саланы қаржыландыру
көлемінің ұлғаюы байқалды. Қаражаттың
ұлғаюы әлеуметтік инфрақұрылымды
дамытумен, білім беру және денсаулық
сақтау мекемелерін жаңғыртумен, сондай-ақ
мәдени-спорт саласы мен әлеуметтік
қамсыздандыру жүйесін қолдаумен қатар
жүрді.
