2022-2025 жылдары Алматы облысының әлеуметтік салаға шығындары облыс бюджетінің барлық шығындарының орта есеппен 60,6%-не жетті. Олар 2022 жылғы 384,6 млрд теңгеден 2025 жылы 596,1 млрд теңгеге дейін 55,0%-ке өсті.
Облыс
бюджетінің әлеуметтік шығындарының
құрылымы келесідей.
2022-2025
жылдары білім беру саласының шығындары
орта есеппен 82,8%-ке жетті. Қарастырылып
отырған кезеңде олар 314,7 млрд теңгеден
(әлеуметтік шығындардың 81,8%) 492,9 млрд
теңгеге (әлеуметтік шығындардың 82,7%)
дейін 56,6%-ке өсті. Ерекше білім беру
қажеттіліктері бар балаларды қолдау
жүйесін дамыту мақсатында 9
психологиялық-медициналық-педагогикалық
консультация және 13 психологиялық-педагогикалық
түзету кабинеті ашылды.
2022-2025
жылдары мәдениет, спорт, туризм және
ақпараттық кеңістікке шығындар орта
есеппен 6,3%-ке жетті. Олар 26,9 млрд теңгеден
(әлеуметтік шығындардың 7,0%) 38,2 млрд
теңгеге (әлеуметтік шығындардың 6,4%)
дейін 41,8%-ке өсті. Қарастырылып отырған
кезеңде 2 мәдениет үйі салынды, 3 мәдениет
нысаны күрделі жөндеуден өтті және 2
нысан ағымдағы жөндеуден өтті. 2025 жылы
7 мәдениет нысанына қосымша күрделі
жөндеу жүргізіліп, 3 кітапхана жаңғыртылды.
Спорт ғимараттарының саны 206-ға, ал спорт
залдарының саны 92-ге өсіп, облыс халқы
үшін дене шынықтыру және бұқаралық
спортпен шұғылданудың қолжетімділігін
арттыруға ықпал етті.
Әлеуметтік
көмек пен әлеуметтік қамсыздандыру
шығындары барлық әлеуметтік шығындардың
орта есеппен 6,3%-не жетті. Олар 2022 жылғы
24,7 млрд теңгеден (әлеуметтік шығындардың
6,4%) 2025 жылы 35,7 млрд теңгеге (әлеуметтік
шығындардың 6,0%) дейін 44,4%-ке ұлғайды.
Денсаулық
сақтау шығындары ең аз үлеске ие - орта
есеппен 4,6%. Бұл бағытты қаржыландыру
2022 жылғы 18,3 млрд теңгеден (әлеуметтік
шығындардың 4,7%) 2025 жылы 29,3 млрд теңгеге
(әлеуметтік шығындардың 4,9%) дейін 1,6
есе өсті. Қарастырылып отырған кезеңде
6 денсаулық сақтау нысаны (дәрігерлік
амбулаториялар мен емхана) пайдалануға
берілді, 4 нысанда күрделі жөндеу
аяқталды. Сондай-ақ МРТ-аппаратын,
ангиографты, жылжымалы маммографты
және операциялық микроскопты қоса
алғанда, заманауи медициналық жабдықтар
сатып алынды, бұл халыққа медициналық
көмектің қолжетімділігі мен сапасын
арттыруға ықпал етеді.
Жалпы,
2022-2025 жылдары Алматы облысының бюджеті
денсаулық сақтау саласының салыстырмалы
түрде төмен үлесіне қарамастан, барлық
бағыттарды қаржыландырудың жалпы
өсуімен білім беруге баса назар аудара
отырып, әлеуметтік салаға бағдарланды.
