Өткен аптада аталып өткен БАҚ қызметкері күніне орай Экономикалық зерттеулер институтының бірқатар қызметкері мемлекеттің ақпараттық саясатын жүзеге асыруға, қоғамда болып жатқан маңызды әлеуметтік-экономикалық тақырыптарды халыққа қарапайым тілмен әрі кәсіби түрде түсіндіріп, ел экономикасын дамытуға қосқан үлесі үшін Қазақстан Республикасы Премьер-Министрінің орынбасары – Ұлттық экономика министрі Серік Жұманғариннің Алғыс хатымен марапатталды.
Марапатқа Институт Басқарма төрағасының орынбасары Ерділда Тәутенов, Тұрақты даму мақсаттары жөніндегі хатшылықтың директоры Бақытгүл Қамбар, сондай-ақ Өңірлік зерттеулер және өмір сапасы орталығының директоры Нұрболат Құрметұлы ие болды.
Бұл марапат – әріптестеріміздің біліктілігіне, жауапкершілігіне және елдің әлеуметтік-экономикалық дамуына, мемлекеттік бастамаларды ақпараттық және сараптамалық тұрғыдан ілгерілетуге қосқан үлесінің жоғары бағасы.
Әріптестерімізді лайықты марапаттарымен шын жүректен құттықтай отырып, зор денсаулық, толағай табыс пен кәсіби белестерді бағындыруына тілектеспіз!
