2026 жылғы маусым қорытындысы бойынша Қазақстан Республикасында жылдық инфляция мамыр айындағы 10,4%-пен салыстырғанда 10,3%-ке дейін баяулады. Төменде өңірлік бөліністегі тұтынушылық инфляция серпініне талдау жасалған.
Тұтыну
бағасының ең жоғары өсуі Ұлытау облысында
тіркелді, 13,3%-ке жеткен бұл өсім орташа
республикалық көрсеткіштен 3,0 п.т-ға
артық. Инфляцияның жоғары қарқыны
Солтүстік Қазақстан облысында (13,2%),
Жетісу (12,2%) және Ақмола (12,1%) облыстарында
да байқалды.
Ең
төмен мәндер Алматы қаласында (9,0%),
Қарағанды облысында (9,1%), Абай облысында
(9,7%) және Астанада (9,8%) белгіленді, бұл
орташа республикалық инфляция деңгейімен
(10,3%) салыстырғанда тұтыну бағаларының
неғұрлым ұстамды серпінін көрсетеді.
Инфляциялық
қысымның сақталуына қарамастан, ағымдағы
серпін еліміздің бірқатар өңірлерінде
баға процестерінің біртіндеп тұрақтанғанын
байқатады. Ірі қалалар мен жеке облыстарда
инфляцияның 10%-тен төмен деңгейде
сақталуы бағаның өсуін тежеу бойынша
жүргізіліп жатқан шаралардың тиімділігін
көрсетеді.
