2022-2025 жылдары Маңғыстау облысы бюджетінің әлеуметтік салаға шығындары жалпы бюджет шығындарының орта есеппен 60,4%-не тең. Қарастырылып отырған кезеңде олардың көлемі 2022 жылғы 205,8 млрд теңгеден 2025 жылы 391,6 млрд теңгеге дейін 1,9 есе ұлғайды.
Аталған
кезеңдегі әлеуметтік шығындардың
негізгі бағыты - әлеуметтік сала
қаражатының 76,0%-і тиесілі білім беру
саласы. Бұл саланы қаржыландыру 2022 жылғы
160,1 млрд теңгеден (әлеуметтік шығыстардың
77,8%) 2025 жылы 290,0 млрд теңгеге (әлеуметтік
шығыстардың 74,1%) дейін 81,2%-ке өсті.
Қарастырылып отырған кезеңде өңірде
15 мектеп салынды, 26 мектеп жаңғыртылды,
20 мектепке ағымдағы жөндеу жүргізілді,
сондай-ақ 233 пәндік кабинет сатып алынды
және орнатылды. Колледждер мен мектепке
дейінгі ұйымдардың материалдық-техникалық
базасы қосымша жаңартылды, бұл білім
беру инфрақұрылымының жүйелі жаңартылуын
және оқу қуаттарының кеңеюін көрсетеді.
Әлеуметтік
көмек пен әлеуметтік қамсыздандыруға
әлеуметтік сала бюджетінің орта есеппен
9,9%-і тиесілі. Талданып отырған кезеңде
олардың көлемі 2022 жылғы 21,0 млрд теңгеден
(әлеуметтік шығыстардың 10,2%) 2025 жылы
37,8 млрд теңгеге (әлеуметтік шығыстардың
9,7%) дейін 1,8 есе өсті.
Мәдениет,
спорт, туризм және ақпараттық кеңістікке
жұмсалған шығындар әлеуметтік шығындардың
орта есеппен 8,5%-не тең. 2022-2025 жылдары
бұл бағытты қаржыландыру 15,7 млрд теңгеден
(әлеуметтік шығыстардың 7,6%) 39,5 млрд
теңгеге (әлеуметтік шығыстардың 10,1%)
дейін 2,5 есе ұлғайды. Талданып отырған
кезеңде мәдениет үйлерін, мұражайлар
мен кітапханаларды қоса алғанда 7
мәдениет нысаны салынды, сондай-ақ 52
нысанға жөндеу жүргізілді.
Материалдық-техникалық база да қосымша
жаңартылды. Бұдан басқа, 20 спорт залын,
7 кешенді және 30 алаңды қоса алғанда,
көп спорттық объектілер енгізілді.
Сонымен қатар, спорт мектептері мен
ұйымдарын көлікпен және қажетті заттармен
жарақтандыру қамтамасыз етілді.
Денсаулық
сақтау саласының шығындары әлеуметтік
шығындар құрылымында 5,5%-тік ең аз үлеске
ие. 2022-2025 жылдары осы саланы қаржыландыру
көлемі 9,0 млрд теңгеден (әлеуметтік
шығыстардың 4,4%) 24,3 млрд теңгеге (әлеуметтік
шығыстардың 6,2%) дейін 2,7 есе ұлғайды.
Қарастырылып отырған кезеңде 6 денсаулық
сақтау нысаны пайдалануға берілді, 8
күрделі жөндеу жүргізілді, саланы
жарақтандыру белсенді жүзеге асырылды:
жоғары технологиялық (МРТ, ӨЖЖ, УДЗ) қоса
алғанда, 1 200 бірліктен астам медициналық
жабдық сатып алынды, сондай-ақ 5 жылжымалы
медициналық кешен жұмыс істеді.
Жалпы,
Маңғыстау облысында әлеуметтік саланың,
әсіресе білім берудің барлық бағыттарын
қаржыландырудың айтарлықтай өсуімен
айқын әлеуметтік бағдарланған бюджет
құрылымы сақталған. Сонымен қатар,
бюджет шығыстарының басқа бағыттарын
біртіндеп кеңейту кезінде әлеуметтік
инфрақұрылымның белсенді дамуы мен
жаңғыртылуы байқалып, ресурстардың
неғұрлым теңгерімді бөліну үрдісін
көрсетеді.
