ЭЗИ Басқарма төрағасы Нью-Йорктегі БҰҰ-ның Жоғары деңгейдегі саяси форумының ресми іс-шарасында сөз сөйледі

«17 ТДМ негізінде адамдар мен Жердің мүдделеріне интеграцияланған ауысулардағы жеке сектордың рөлін күшейту» тақырыбындағы сессияны БҰҰ жанындағы Қазақстан, Колумбия және Уганда тұрақты өкілдіктерінің қолдауымен БҰҰ-ның даму құқығы туралы мәселе бойынша арнайы баяндамашысымен бірлесіп World Benchmarking Alliance (WBA) ұйымдастырды.

Іс-шара экономикалық дамуды климаттық, табиғатты қорғау және әлеуметтік міндеттермен үйлестірудегі 17 ТДМ шеңберіндегі серіктестіктердің рөлін талқылау үшін мемлекеттердің, халықаралық ұйымдардың, бизнестің, сарапшылар қоғамдастығының және азаматтық қоғамның өкілдерін біріктірді.

Біржан Баткеев БҰҰ-ның даму құқығы туралы арнайы баяндамашысының шақыруымен сөз сөйлеп, Қазақстанның Тұрақты даму мақсаттарын іске асыру тәсілін ұсынды. Ол Қазақстан үшін 17 ТДМ декларативті негіздеме емес, мемлекеттің, бизнестің және халықаралық әріптестердің күш-жігерін дамудың ұзақ мерзімді басымдықтары төңірегінде біріктіруге мүмкіндік беретін саясатты үйлестірудің практикалық құралы екенін атап өтті.

Сессияның модераторы - World Benchmarking Alliance бағдарламасының Рeople бағдарламасының жетекшісі Намит Агарвал. Талқылауға БҰҰ Бас хатшысының адам құқықтары жөніндегі көмекшісі Клаудия Фуэнтес Хулио; БҰҰ жанындағы Уганда Тұрақты өкілінің орынбасары Годфри Квоба; БҰҰ-ның даму құқығы бойынша арнайы баяндамашысы Сурья Дева; USCIB жаһандық бастамалар жөніндегі аға вице-президенті Кристен Эдгрин Кауфман; WBA көпжақты өзара іс-қимыл бөлімінің басшысы Шарлотт Ривз, сондай-ақ іс-шараны қолдаған мемлекеттердің тұрақты өкілдіктерінің қызметкерлері де қатысты.

Сессия қатысушылары 17 ТДМ сыртқы көмекті жұмылдыру шеңберінен шығып, сенімді, ұжымдық жауапкершілікті және келісілген іс-қимылды нығайтуға негіз болатынын атап өтті. Бұл ретте мемлекеттің рөлі бизнесті алмастыруда емес, тұрақты дамуға жеке инвестицияларды тарту үшін болжамды ережелерді, ұзақ мерзімді бағдарлар мен ынталандыруларды жасауда жатыр.

Пікірталасты қорытындылай келе, Біржан Баткеев экономикалық өсу, климаттық жауапкершілік және әлеуметтік прогресс күшті институттарға, сапалы деректер мен тиімді әріптестікке сүйенсе, бір-бірін өзара күшейтетінін атап өтті.

«Экономикалық зерттеулер институты» АҚ халықаралық алаңдарда қазақстандық тәжірибені ұсынуды, шетелдік әріптестермен сараптамалық өзара іс-қимылды дамытуды және тұрақты мен инклюзивті дамуды қолдау үшін үздік әлемдік тәжірибелерді зерделеуді жалғастырады.