2026 жылғы 15-16 шілде аралығында Рустам Насырхан, Әлібек Райыпов, Гүлмира Қашқынбекова, Әлия Мусина Экономикалық зерттеулер институтының атынан Экономикалық ынтымақтастық және даму ұйымының (ЭЫДҰ) сараптамалық семинарына қатысты. Кездесу «Қазақстанда инфрақұрылымды жоспарлау және қаржыландыру процестеріне климаттық тұрақтылықты интеграциялау: Транскаспий көлік дәлізінің мысалында» өзекті тақырыпқа арналды.
Іс-шара
ЭЫДҰ-ның Халықаралық ынтымақтастық
жөніндегі Германия қоғамының (GIZ)
қолдауымен жүзеге асырылатын Орталық
Азиядағы «жасыл» инфрақұрылымды дамыту
жөніндегі ауқымды жобасы шеңберінде
өтті.
Сарапшылардың
басты міндеті – көлік желілерін дамыту
мен жаһандық климаттық сын-қатерлерге
бейімделу қажеттілігі арасындағы
тепе-теңдікті табу.
«Климаттың
өзгеруіне төзімді және инклюзивті көлік
инфрақұрылымын дамыту жөніндегі
шараларды бағалау: бейімделуді модельдеу
және шығындар мен пайданы кешенді
талдау» тақырыптық сессиясы аясында
ERI Климаттың өзгеруін зерттеу орталығының
директоры Рустам Насырхан баяндама
жасады.
Өз
сөзінде ол бейімделу шараларын модельдеу
тәсілдерін егжей-тегжейлі талдап,
абстрактілі климаттық қауіптерді нақты
экономикалық көрсеткіштерге қалай
аударуға болатындығын көрсетті.
Сессия
барысында сценарийлік талдау негізінде
экономикалық белсенділікке, әрекетсіздікке
және әртүрлі секторларда әрекет
салдарының алдын алуға бейімделуге
салынатын инвестициялардың салдары
қаралды, сондай-ақ тұрақтылықты арттырудың
неғұрлым тиімді шарасын айқындау
тәсілдері жасалды. Сондай-ақ, мұндай
деректер инвестицияларды жоспарлауға,
басымдықтарды анықтауға, жобаларды
әзірлеуге және бейімделу іс-шараларына
қаражат жұмылдыруға қалай көмектесетіні
талқыланды.
Семинарды
қорытындылай келе, мемлекеттік органдарға
инвестицияларды тиімді жоспарлауға
және сенімді мен экологиялық қауіпсіз
көлік жүйесін құру үшін қаржыландыруды
тартуға көмектесетін практикалық
ұсынымдар әзірленді.
