2022-2025 жылдары Түркістан облысының әлеуметтік салаға шығындары облыс бюджетінің барлық шығындарының орта есеппен 62,8%-ке тең. Олар 2022 жылғы 645,3 млрд теңгеден 2025 жылы 1,0 трлн теңгеге дейін 58,5%-ке өсті.
Әлеуметтік
сала шығындарының 80,5%-і білім беру
шығындарына тиесілі. Олар 2022 жылғы 514,1
млрд теңгеден (әлеуметтік шығыстардың
79,7%) 2025 жылы 809,5 млрд теңгеге (әлеуметтік
шығыстардың 79,2%) дейін 1,6 есе ұлғайды.
Талданып отырған кезеңде өңірде 47
мектепке ауқымды жаңғырту жүргізілді,
17 жаңа мектеп салынды және іске қосылды,
сондай-ақ 600-ден астам пәндік кабинет
сатып алынды.
Барлық
әлеуметтік шығыстардың орта есеппен
8,7%-не тең әлеуметтік көмек пен әлеуметтік
қамсыздандыруға жұмсалған шығындар
2022 жылғы 57,7 млрд теңгеден (әлеуметтік
шығыстардың 8,9%-і) 2025 жылы 88,2 млрд теңгеге
(әлеуметтік шығыстардың 8,6%-і) дейін
52,7%-ке ұлғайды.
Мәдениет,
спорт, туризм және ақпараттық кеңістікке
2022-2025 жылдары жұмсалған шығындар 7,3%-ке
тең. Осы бағытты қаржыландыру талданып
отырған кезеңде 51,5 млрд теңгеден
(әлеуметтік шығыстардың 8,0%) 88,6 млрд
теңгеге (әлеуметтік шығыстардың 8,7%)
дейін 71,9%-ке өсті. 2022-2025 жылдары салалық
инфрақұрылым 11 мәдениет объектісін
салу, 53 объектіге жөндеу жүргізу және
мекемелерді материалдық-техникалық
жарақтандыруды күшейту арқылы жаңғыртылды.
Спорт инфрақұрылымы да дамыды. Ірі
кешендерді қоса алғанда, 52 спорт нысаны
пайдалануға берілді, сондай-ақ бұқаралық
спортты дамыту жөніндегі жобаларды
іске асырылды.
Орта
есеппен 3,5% мөлшерінде ең аз үлеске ие
денсаулық сақтау шығындары 2022-2025 жылдары
21,9 млрд теңгеден (әлеуметтік шығыстардан
3,4%) 36,2 млрд теңгеге (әлеуметтік шығыстардан
3,5%) дейін 65,4%-ке өсті. Талданған кезеңде
денсаулық сақтау жүйесінің дамуы 66
нысанды, негізінен медициналық-санитарлық
алғашқы көмекті пайдалануға берумен,
6 нысанға күрделі жөндеу жүргізумен
және кадрлар даярлау жөніндегі шараларды
іске асырумен қатар жүріп, медициналық
қызметтердің, әсіресе ауылдық жерлерде
қолжетімділігін арттыруға ықпал етті.
Жалпы,
2022-2025 жылдары Түркістан облысының
бюджеттегі жоғары үлесін сақтай отырып,
әлеуметтік шығыстарының тұрақты өсуі
бюджет саясатының әлеуметтік бағдарлануын
көрсетеді. Инфрақұрылымды кеңейтумен
және халыққа базалық қызметтердің
қолжетімділігін арттырумен бірге
негізгі салалардың кешенді дамуы
қамтамасыз етілді.
