Аналитикалық материалда ЭЫДҰ-ның көпұлтты кәсіпорындарға арналған жауапты бизнес жүргізу жөніндегі Басшылық қағидаттары шеңберінде нақты істерді қарау бойынша Француз Республикасының Ұлттық байланыс орталығының тәжірибесі қарастырылған. Талдау еңбек құқықтары, жауапты жеткізу тізбектері, экологиялық және тұтынушылық тәуекелдер, жеткізушілермен өзара іс-қимыл, сондай-ақ инвесторлардың тиісті тексеруі мәселелерін қамтитын SHEIN, Air France, Veolia және Crédit Mutuel Equity компанияларына қатысты істер мысалында дайындалды.
Өтініштерді
қараудың әртүрлі рәсімдік нәтижелеріне
ерекше назар аударылған: ізгі қызметтер
мен медиацияны жүргізу, тараптар арасында
келісім болмаған жағдайда мәселелерді
одан әрі қарау, қорытынды мәлімдемелер
мен ұсынымдарды дайындау, сондай-ақ
өтініш кері қайтарып алынған жағдайда
рәсімді жабу. Сонымен қатар Франция
ҰБО-сының әлеуметтік аудиттерді бағалау,
мүдделі тараптармен өзара іс-қимыл
жасау, компаниялардың қолжетімді ықпал
ету тетіктерін пайдалануы және әртүрлі
елдердің ҰБО-лары арасындағы трансшекаралық
үйлестіру тәсілдері жеке қарастырылған.
Материал
тиісті тексерудің тиімділігі корпоративтік
саясаттардың, кодекстердің немесе
аудиттердің болуымен ғана емес,
тәуекелдерді анықтау мен бағалау
сапасымен, зардап шеккен тараптарды
тартумен, түзету шараларын бақылаумен
және қолжетімді ықпал ету тетіктерін
іс жүзінде пайдаланумен де бағаланатынын
көрсетеді. Сонымен қатар Қазақстан
ҰБО-сының қызметін одан әрі жетілдіру
үшін, оның ішінде трансшекаралық
өтініштерді қарау, тиісті тексеру
шараларын бағалау және ұсынымдардың
орындалуына кейінгі бақылауды ұйымдастыру
кезінде пайдалануға болатын практикалық
қорытындылар ұсынылған.
<<ТАЛДАМАЛЫҚ АНЫҚТАМА бизнесті жауапты жүргізу жөніндегі істер бойынша Франция ҰБО тәжірибесі туралы>>
