ТДМ жөніндегі хатшылық директоры Қарағанды облысы педагогтерінің тамыз конференциясына қатысты

Іс-шараға Экономикалық зерттеулер институтының Тұрақты даму мақсаттары жөніндегі хатшылық директоры Бақытгүл Қамбар қатысып, баяндама жасады.

Ол өз баяндамасында елдің тұрақты дамуын қамтамасыз етудегі сапалы білімнің рөліне тоқталды. Экономикалық зерттеулер институты сарапшыларының жасаған талдауы тұрақты дамудың 17 мақсатының ішіндегі 14 мақсат «сапалы білім» деп аталатын 4-мақсатқа тікелей тәуелді екенін, сондай-ақ, ғаламдық деңгейдегі 169 міндеттің орындалу тиімділігі 31,3% сапалы білімге тәуелді екенін көрсеткен.

Конференция барысында мемлекеттік органдардың, білім беру саласының, педагогтер мен ата-аналар қауымдастығының өкілдері өткен оқу жылының қорытындысын шығарып, алдағы кезеңде білім беру жүйесін дамытудың негізгі міндеттерін талқылады.

Конференция академик Е.А. Бөкетов атындағы Қарағанды университетінде өтті.