2022-2025 жылдары Астана қаласының әлеуметтік салаға шығындары қала бюджетінің барлық шығындарының орта есеппен 35,8%-не тең. Олар 2022 жылғы 276,6 млрд теңгеден 2025 жылы 540,6 млрд теңгеге дейін 2,0 есе ұлғайды.
2022-2025
жылдары Астана қаласы бюджетінің
әлеуметтік шығындар құрылымында ең
жоғары 72,9%-тік үлеске білім беру шығындары
ие. Олар 188,5 млрд теңгеден (әлеуметтік
шығындардың 68,2%) 388,9 млрд теңгеге
(әлеуметтік шығындардың 71,9%) дейін 2,1
есе өсті. Осы кезеңде білім беру
инфрақұрылымының тұрақты кеңеюі
байқалды: 38 мектеп пайдалануға берілді,
30 нысанға күрделі жөндеу және жаңғырту
жүргізілді, сондай-ақ 212 пәндік кабинетті
жарақтандыруды және оқу орындарын
оқулықтармен қамтамасыз етуді қоса
алғанда, материалдық-техникалық базаны
жаңарту жүзеге асырылды.
Мәдениет,
спорт, туризм және ақпараттық кеңістікке
әлеуметтік салаға жұмсалатын барлық
шығындардың орта есеппен 11,1%-не тең
шығындар жұмсалған. Олар 2022 жылғы 37,0
млрд теңгеден (әлеуметтік шығындардың
13,4%) 2025 жылы 61,4 млрд теңгеге дейін
(әлеуметтік шығындардың 11,4%) 65,9%-ке өсті.
Талданып отырған кезеңде әлеуметтік
инфрақұрылымның рет-ретімен дамуы
байқалды: 13 мәдениет объектісіне жөндеу
жүргізілді, 2 жаңа спорт кешені пайдалануға
берілді, сондай-ақ «Астана Арена»
стадионы мен «Алау» мұз сарайын қайта
жаңарту жұмыстары аяқталды.
Астана
қаласы бюджетінің барлық әлеуметтік
шығындарының орта есеппен 9,9%-не тең
әлеуметтік көмек пен әлеуметтік
қамсыздандыруға жұмсалған шығындар
2022 жылғы 26,8 млрд теңгеден (әлеуметтік
шығындардың 9,7%-і) 2025 жылы 58,5 млрд теңгеге
дейін (әлеуметтік шығындардың 10,8%-і)
2,2 есе өскенін көрсетті.
2022-2025
жылдары ең аз 6,0%-тік үлес денсаулық
сақтау шығындарына тиесілі. 2022-2025 жылдары
Астана қаласының бюджетінен осы бағытты
қаржыландыру 24,3 млрд теңгеден (әлеуметтік
шығындардың 8,8%) 31,8 млрд теңгеге (әлеуметтік
шығындардың 5,9%) дейін 31,1%-ке ұлғайды.
Осы кезеңде саланың дамуы инфрақұрылымды
жаңғыртумен және жабдықты айтарлықтай
жаңартумен қатар жүрді: жыл сайын
жүздеген медициналық техника сатып
алынды, 11 денсаулық сақтау объектісіне
қайта құру және күрделі жөндеу жұмысы
жүргізілді. Сонымен қатар мамандарды
оқыту және цифрлық шешімдерді енгізу
жүзеге асырылды.
Осылайша,
2022-2025 жылдары Астана қаласының әлеуметтік
шығындары бюджетте үлкен үлесті сақтай
отырып, айтарлықтай өсті және әлеуметтік
саясаттың басымдығы мен білім беру
саласындағы инфрақұрылымның белсенді
дамуын көрсетті. Сонымен қатар,
қаржыландырудың өсуі негізгі салаларды
жаңғыртумен және көрсетілетін қызметтердің
сапасын біртіндеп арттырумен қатар
жүрді.
