2022-2025 жылдары Алматы қаласының әлеуметтік салаға шығындары 461,1 млрд теңгеден 875,8 млрд теңгеге дейін 1,9 есе өсті және қала бюджетінің барлық шығындарының орта есеппен 41,2%-не тең.
2022-2025
жылдары Алматы қаласы бюджетінің
әлеуметтік шығындарының 71,6%-ке тең басым
бөлігі білім беруге тиесілі. Олар 2022
жылғы 326,4 млрд теңгеден (әлеуметтік
шығындардың 70,8%) 2025 жылы 619,9 млрд теңгеге
(әлеуметтік шығындардың 70,8%) дейін
89,9%-ке ұлғайды. Алматы қаласында 2025 жылы
білім беру инфрақұрылымын ауқымды
кеңейту жүргізілді: 20 жаңа мектеп
пайдалануға берілді, 100 жаңа автобус
сатып алу есебінен оқушыларды тасымалдау
қызметтерімен қамту кеңейтілді, сондай-ақ
оқу орындарын 114 заманауи пәндік
кабинеттермен жарақтандыру қамтамасыз
етілді. Жалпы, білім берудің қолжетімділігінің
өсуі және материалдық-техникалық базаның
нығаюы байқалды.
Мәдениет,
спорт, туризм және ақпараттық кеңістікке
жұмсалған шығындар әлеуметтік саладағы
барлық шығындардың орта есеппен 11,3%-не
тең. 2022-2025 жылдары олар 52,2 млрд теңгеден
(әлеуметтік шығындардың 11,3%) 98,4 млрд
теңгеге (әлеуметтік шығындардың 11,2%)
дейін 88,5%-ке ұлғайды. 2025 жылы Алматы
қаласында мәдени-спорттық және туристік
салаларда жоғары белсенділік тіркелді:
1,3 млн адамды қамтитын 5 мыңға жуық
іс-шара өткізілді, 3 спорт нысаны
пайдалануға берілді, сондай-ақ 2 мыңнан
астам спортшының қатысуымен халықаралық
жарыстар ұйымдастырылды. Сонымен қатар,
9 халықаралық көрмеге қатысу және «World
Craft City» мәртебесін беру Алматы қаласының
оқиғалық және этномәдени туризм орталығы
ретіндегі позициясын күшейтті.
Әлеуметтік
көмек пен әлеуметтік қамсыздандыруға
барлық әлеуметтік шығыстардың орта
есеппен 9,3% мөлшерінде шығындар жұмсалды.
Олар 2022 жылғы 44,5 млрд теңгеден (әлеуметтік
шығындардың 9,6%) 2025 жылы 69,6 млрд теңгеге
(әлеуметтік шығындардың 8,0%) дейін 56,6%
мөлшерінде өсім көрсетті. Алматы
қаласында 2025 жылы әлеуметтік қолдау
жүйесімен халықтың әлеуметтік осал
санаттарынан 191 мыңнан астам адам
қамтылды.
2022-2025
жылдары орта есеппен 7,7%-тік ең аз үлеске
ие денсаулық сақтау шығындары 38,0 млрд
теңгеден (әлеуметтік шығындардың 8,2%)
87,9 млрд теңгеге дейін (әлеуметтік
шығындардың 10,0%) 2,3 есе өсті. 2025 жылы
салада медициналық кадрлардың біліктілігін
арттыруға және Алматы қаласында
профилактикалық іс-шараларды дамытуға
басты назар аударылды.
Талданып
отырған кезеңде Алматы қаласында
бюджетте үлкен үлесін сақтай отырып,
әлеуметтік шығыстардың тұрақты өсуі
байқалып, қаланың бюджет саясатының
әлеуметтік бағытын көрсетеді.
