Реттеушілік әсерді талдау. Нормативтік жұмысқа қатысатын мемлекеттік органдар өкілдеріне арналған оқыту семинарлары.

Семинар бағдарламасына кәсіпкерлік қызметті реттеу жүйесі; кәсіпкерлік қызметті мемлекеттік реттеу құралдары, РӘТ-ті халықаралық деңгейде енгізу, РӘТ құрылымының құрамдас элементтері, РӘТ рәсімін орталық және өңірлік деңгейлерде өткізу тәртібі сияқты тақырыптар кіреді.

Семинарлар барысында РӘТ түрлері зерттелді және әрбір түрі бойынша кейстер қаралды:

1) жаңа реттеу құралдарын енгізу және реттеуді күшейту кездегі РӘТ;

2) қайта қарау тәртібімен РӘТ; 

3) мiндеттi талаптар тiзiлiмiне енгiзiлген қолданыстағы реттеушi актiлерге (ТРА) талдау жүргiзу кезiндегі РӘТ;

4) балама ретінде РӘТ.

Семинарға қатысушылар реттеушілік әсерге талдау жүргізу және практикалық жағдайлар бойынша талқыланған мәселелерге үлкен қызығушылық танытты.

Семинарды РӘТ бойынша сертификатталған жаттықтырушы, экономика ғылымдарының кандидаты, Сараптама орталығы директорының орынбасары Айгүл Ербатырқызы Асенова және Сараптама орталығының жетекші сарапшысы Ақмоншақ Қалиева дайындап, өткізді.