Технологияларды енгізу

2020 жылғы рейтингте АҚШ (1-орын), Сингапур (2-орын) және Дания (3-орын) көш бастап отыр. Топ 10 елдің қатарына Швеция (4-орын), Гонконг (5-орын), Швейцария (6-орын), Нидерланды (7-орын), Корея (8-орын), Норвегия (9-орын) және Финляндия (10-орын) кірді. Тізімнің соңында Колумбия (61-орын), Моңғолия (62-орын) және Венесуэла (63-орын) орналасқан. Рейтингке барлығы 63 ел қатысады. Қазақстан өткен жылмен салыстырғанда 1 позицияға төмендеп, 36-орынды иеленді.

Цифрлық бәсекеге қабілеттілік рейтингі экономикалық және әлеуметтік қайта құрулар үшін цифрлық технологияларды енгізу және зерттеу әлеуеті мен әзірлігін бағалайды.

Рейтинг 3 факторға негізделген:

«Білім» - технологияларды зерттеу және ашу үшін қажетті материалдық емес инфрақұрылымды көрсетеді

«Технологиялар» - цифрлық технологиялардың даму деңгейін сандық тұрғыдан бағалайды

«Болашаққа дайындық» - экономиканың цифрлық трансформацияға деңгейі мен дайындығын бағалайды

Зерттеу көрсеткендей, биылғы үрдістер өткен бақылауларға сәйкес келеді: білімді қалыптастыру мен дарынды дамытудың рөлі тиімді реттеу мен инфрақұрылыммен бірге цифрлік бәсекеге қабілеттілікке ықпал етуді жалғастыруда. Сонымен қатар, кәсіпорындардың ғана емес, жеке тұлғалардың да икемділігі мен бейімделуі елдің цифрлық прогресін қолдау үшін қажет. COVID-19 коронавирус инфекциясының жаһандық пандемиясы өмірдің барлық салаларына қатты әсер етті және технологиялар пандемиямен күресудің маңызды құралына айналды.

2020 жылғы зерттеуде әлемнің жетекші экономикалары цифрлік технологияларды дамыту және пайдалану үшін қажетті білім инфрақұрылымын дамытуға және нығайтуға қызмет ететін кадрлық резервті құруға бағытталған. Сонымен қатар, технологияларды әзірлеуге және енгізуге мүмкіндік беретін тиімді құқықтық базаны қамтамасыз ету қажеттілігі анықталды. Сонымен қатар, цифрлық бәсекеге қабілеттілік рейтингінің көшбасшыларына тән қасиет-жеке бейімділіктің бизнестің икемділігімен үйлесуі.